Википедия:Тасуирлама

«Википе́дия» (ингл. Wikipedia) — вики принцибына нигеҙләнгән күп телле, асыҡ эстәлекле универсаль интернет энциклопедия.

Википедия коммерцияға ҡарамаған «Викимедиа фонды» ойошмаһыныҡы. Фондтың 39 төбәк бүлексәһе бар. Уның маҡсаты — күп телле энциклопедия төҙөү. Башҡорт телендәге Википедия — күп телле проекттың бер өлөшө.

Энциклопедияның исеме ике өлөштән тора. Беренсеһе инглиз телендәге wiki «вики» һүҙенән, был һүҙ сайт төҙөлгән технологияны аңлата; үҙ сиратында был һүҙ гавай телендә «тиҙ, етеҙ» тигәнде аңлата. Икенсе өлөшө encyclopedia «энциклопедия» һүҙенән алынған.

Википедияның төп үҙенсәлеге (сайт эшмәкәрлегенең вики технологияһы ярҙамында) — мәҡәләләрҙе төҙөү һәм мөхәррирләү эшен уның ҡағиҙәләрен ҡабул иткән һәр интернет ҡулланыусы атҡара ала, бының өсөн күбеһенсә теркәлеү ҙә мотлаҡ түгел. Бындай ирекмәндәр тарафынан индерелгән үҙгәртеүҙәр шунда уҡ сайтҡа инеүселәргә күренә.

Dieser Artikel basiert auf dem Artikel Википедия:Тасуирлама aus der freien Enzyklopädie Wikipedia und steht unter der Doppellizenz GNU-Lizenz für freie Dokumentation und Creative Commons CC-BY-SA 3.0 Unported (Kurzfassung). In der Wikipedia ist eine Liste der Autoren verfügbar.